ក្មេងស្រី១១ឆ្នាំ លង់ទឹក​ស្លាប់ នៅ​តំបន់​ទេសចរណ៍​ទឹកជ្រោះ​តា​តៃ នៅ​កោះកុង

0
43

កោះកុង៖ កាលពី​ថ្ងៃទី១២ ខែឧសភា ឆ្នាំ២០១៨ នៅ​តំបន់​ទឹកជ្រោះ​តា​តៃ ស្ថិត​ក្នុងភូមិ​អន្លង់​វ៉ា​ក់ ឃុំ​តា​តៃ​ក្រោម ស្រុក​កោះកុង។ កុមារ​រី​រងគ្រោះ​ឈ្មោះ ឆាយ សៀវ​ហ្គិ​ច អាយុ១១ឆ្នាំ ជា​សិស្ស មាន​ទីលំនៅ​បច្ចុប្បន្ន​ភូមិ៥ សង្កាត់៤ ក្រុងព្រះសីហនុ មាន​ឪពុក​ឈ្មោះ ឆាយ ច​ន្ធី អាយុ៣៨ឆ្នាំ ជា​បុគ្គលិក​រោងចក្រ​នៅ​ក្រុងព្រះសីហនុ ម្ដាយ​ឈ្មោះ ជួង ទុំ អាយុ៣៦ឆ្នាំ ជា​បុគ្គលិក​រោងចក្រ​នៅ​ក្រុងព្រះសីហនុ។

ក្រុមគ្រួសារ​ជនរងគ្រោះ បាននាំគ្នា​ធ្វើដំណើរ​កម្សាន្ត​មកកាន់​ខេត្តកោះកុង លុះ​មកដល់​ចំណុច​ឃុំ​តា​តៃ​ក្រោម ក៏​នាំគ្នា​មកលេង​កម្សាន្ត​នៅ​ទឹកជ្រោះ​តា​តៃ ហើយក៏​ជួប​ឧបទ្ទវ​ហេតុនេះ​តែម្តង។ ក្រោយពី​បាត់​ខ្លួន កម្លាំង​សមត្ថកិច្ច សហការ​យ៉ាង​សស្រាក់សស្រាំ ជាមួយ​ក្រុមគ្រួសារ​សព​កុមារ​រី​រងគ្រោះ និង​ប្រជាពលរដ្ឋ ធ្វើការ​ស្វែងរក រហូតដល់​វេលា​ម៉ោង៣និង៣នាទី​ទៀបភ្លឺ​ឈានចូល​ថ្ងៃទី១៣ ខែឧសភា ឆ្នាំ២០១៨ ទើប​រក​សាកសព​កុមារ​រី​រងគ្រោះ ឃើញ​នៅ​ចំណុច​ទីតាំង​កើតហេតុ​ខាងលើ។

សាកសព​បាន​ប្រគល់ជូន​ក្រុមគ្រួសារ ដើម្បី​ដឹកយក​ទៅ​គេហដ្ឋាន ស្ថិតក្នុង​ក្រុងព្រះសីហនុ ខេត្ត​ព្រះសីហនុ ដើម្បី​ធ្វើបុណ្យ​តាម​ប្រពៃណី៕

LEAVE A REPLY